news banner image Desktop news banner image Mobile
Mətbuat şərhi 08 iyun 2021

Azərbaycanın Əməkdar artisti Elvin Qəniyevin Sankt-Peterburqda çıxışı heyranlıqla qarşılanıb

Dmitri Şostakoviç adına Sankt-Peterburq Akademik Filarmoniyasının Böyük zalında Azərbaycanın Əməkdar artisti Elvin Qəniyevin konserti olub.

XXV Beynəlxalq “Musiqili Olimp” Festivalında tanınmış gənc skripka ifaçısı Elvin Qəniyev uğurla çıxış edib.

Həmyerlimizin filarmoniyanın Akademik Simfonik Orkestrinin müşayiəti ilə təqdim etdiyi virtuoz ifasını festivalın tamaşaçıları heyranlıqla dinləyiblər.

Azərbaycanın Sankt-Peterburqdakı baş konsulu Sultan Qasımov, Sankt-Peterburqun incəsənət xadimləri, yerli ictimaiyyətin nümayəndələri, Sankt-Peterburqda akkreditə olunmuş diplomatik korpusun nümayəndələri, Baş konsulluğun diplomatları ifaçının zəngin konsert proqramını böyük maraqla izləyiblər.  

Konsertin sonunda Baş konsulluq adından səhnəyə böyük qızıl gül zənbili təqdim edilib.

Paylaş

Bütün hüquqlar qorunur. Hər hansı bir lisenziyalı materialdan istifadə etmək üçün əlaqə saxlayın.
Gizlilik Siyasəti