Rusiya Federasiyasının Diplomatiya Günü ilə əlaqədar keçirilmiş tədbirə dair
9 fevral - Rusiya Federasiyasının diplomatik xidmət orqanları əməkdaşlarının peşə bayramı ilə əlaqədar Rusiya Federasiyası Xarici İşlər Nazirliyinin Sankt-Peterburqdakı Nümayəndəliyinin təşkilatçılığı ilə 10 fevral 2025-ci il tarixində Rusiya Dövlət Siyasi Tarix Muzeyində tədbir keçirilmişdir.
Tədbirdə Sankt-Peterburq hökumətinin Xarici əlaqələr və Mədəniyyət komitələrinin, Rusiya Federasiyası Xarici İşlər Nazirliyinin Sankt-Peterburqdakı Nümayəndəliyinin rəsmiləri, Sankt-Peterburqdakı diplomatik korpusun rəhbərləri, ictimaiyyət və mətbuat nümayəndələri iştirak etmişdir.
Rusiya Federasiyası Xarici İşlər Nazirliyinin Sankt-Peterburqdakı Nümayəndəliyi və Sankt-Peterburq Dövlət Universitetinin Tarix-Diplomatiya Muzeyi tərəfindən birgə hazırlanmış “Diplomatik həyat yolu” sərgisinin nümayişi zamanı Rusiya Federasiyası Xarici İşlər Nazirliyinin 1802-ci ildə Sankt-Peterburq şəhərində təsis olunduğu dövrdən bugünə kimi olan diplomatiya tarixi barədə tədbir iştirakçılarına məlumat verilmişdir.
