Azərbaycan Respublikasının Milli Məclisinin sədri Sahibə Qafarovanın Sankt-Peterburq şəhərinə işgüzar səfəri
Azərbaycan Respublikasının Milli Məclisinin sədri Sahibə Qafarovanın başçılıq etdiyi parlament nümayəndə heyətinin MDB Parlamentlərarası Assambleyasının (MDB PA) Şura, 58-ci plenar və 1941–1945-ci illərdə faşizm üzərində Qələbənin 80 illiyinə həsr olunmuş təntənəli iclaslarında iştirak etmək məqsədilə 16 aprel 2025-ci il tarixində Rusiya Federasiyasının Sankt-Peterburq şəhərinə işgüzar səfəri həyata keçirilmişdir.
“Pulkovo” beynəlxalq hava limanında spiker Sahibə Qafarovanı Sankt-Peterburq hökumətinin Xarici əlaqələr komitəsinin sədri Yevgeni Qriqoryev, Sankt-Peterburq Qanunvericilik Məclisinin sədr müavini Nikolay Bondarenko, Azərbaycan Respublikasının Rusiya Federasiyasındakı fövqəladə və səlahiyyətli səfiri Rəhman Mustafayev, Sankt-Peterburq şəhərindəki baş konsulu vəzifəsini icra edən Anar Yusifzadə, MDB PA Şurasının baş katibi Dmitri Kobitski, Milli Məclisin MDB PA-dakı daimi nümayəndəsi Aydın Cəfərov və digər rəsmi şəxslər qarşılamışdır.
Səfər çərçivəsində Milli Məclisin sədri Sahibə Qafarovanın MDB PA-nın Şura və plenar iclaslarında çıxışı, tədbirdə iştirak edən parlament nümayəndə heyətlərinin rəhbərləri ilə bir sıra ikitərəfli görüşlərinin keçirilməsi nəzərdə tutulmuşdur.
