7 fevral 2024-cü il tarixində keçiriləcək növbədənkənar Azərbaycan Respublikası Prezidenti seçkiləri
Rusiya Federasiyasının Şimal-Qərb federal dairəsində (Kareliya Respublikası, Komi Respublikası, Nenetsk muxtar dairəsi, Arxangelsk, Voloqodsk, Kalininqrad, Murmansk, Novqorod, Pskov, Leninqrad vilayətləri və Sankt-Peterburq şəhəri) yaşayan Azərbaycan Respublikası vətəndaşlarının nəzərinə!
7 fevral 2024-cü il tarixinə təyin edilmiş növbədənkənar Azərbaycan Respublikası Prezidenti seçkilərində xarici ölkələrdə olan Azərbaycan Respublikası vətəndaşlarının seçki hüquqlarının təmin edilməsi məqsədilə Azərbaycan Respublikasının Sankt-Peterburqdakı Baş konsulluğunda hazırlıq işləri görülməkdədir. Bu məqsədlə xarici ölkələrdəki Azərbaycan Respublikasının diplomatik nümayəndəlik və konsulluqlarında seçki məntəqələri yaradılmaqdadır.
Azərbaycan Respublikası Prezidenti seçkilərində iştirak etmək istəyən, Kareliya Respublikası, Komi Respublikası, Nenetsk muxtar dairəsi, Arxangelsk, Voloqodsk, Kalininqrad, Murmansk, Novqorod, Pskov, Leninqrad vilayətləri və Sankt-Peterburq şəhərində daimi yaşayan və ya müvəqqəti olan, yaxud uzunmüddətli ezamiyyətdə olan 18 yaşına çatmış Azərbaycan Respublikası vətəndaşlarının seçici siyahısına əlavə olunmaları məqsədilə aşağıda qeyd olunmuş məlumatların 29 dekabr 2023-cü il tarixinədək Azərbaycan Respublikasının Sankt-Peterburqdakı Baş konsulluğunun qeydiyyat_stpetersburg@mission.mfa.gov.az elektron poçt ünvanına göndərməsi xahiş olunur:
- Soyad, ad, ata adı;
- Doğum tarixi (gün, ay, il);
- Xarici ölkədə daimi və ya müvəqqəti yaşadığı ünvan.