1941-1945-ci illərdə faşizm üzərində Qələbənin 80-ci ildönümü ilə əlaqədar keçirilmiş tədbirlərə dair
1941-1945-ci illərdə faşizm üzərində Qələbənin 80-ci ildönümü ilə əlaqədar Sankt-Peterburq hökumətinin təşkilatçılığı ilə cari ilin 8 may tarixində diplomatik korpusun rəhbərləri Piskaryov memorial məzarlığında keçirilmiş tədbirdə iştirak etmiş və “Ana Vətən” abidəsinə əklillər qoymuşdur.
Azərbaycan Respublikasının Sankt-Peterburqdakı baş konsulu v.i.e Anar Yusifzadə və Baş konsulluğun əməkdaşları Piskaryov memorial məzarlığındakı Xatirə Xiyabanında 1941-1945-ci illərdə Böyük Vətən Müharibəsi və Leninqradın blokadadan azad olunması zamanı döyüşlərdə qəhrəmancasına həlak olmuş Azərbaycanın oğul və qızlarının memorial lövhəsini ziyarət etmiş və önünə gül dəstələri düzmüşdür.
Həmçinin Sankt-Peterburq hökumətinin dəvəti əsasında diplomatik korpusun rəhbərlərinin iştirakı ilə 9 may 2025-ci il tarixində şəhərin mərkəzi meydanında 9 May – faşizm üzərində Qələbənin 80-ci ildönümünə həsr olunmuş hərbi parad keçirilmişdir.
Tədbirlərdə Sankt-Peterburqun qubernatoru Aleksandr Beqlov, Sankt-Peterburq hökumətinin və Qanunvericilik Məclisinin, Rusiya Federasiyası Xarici İşlər Nazirliyinin, MDB Parlamentlərarası Assambleyasının rəsmiləri, dini konfessiyaların rəhbərləri, müharibə veteranları, şəhər sakinləri və mətbuat nümayəndələri iştirak etmişdir.
