Doğum aktının qeydə alınması

Vətəndaşların nəzərinə!

Konsulluq xidmətləri ilə bağlı Baş Konsulluq tərəfindən müraciətlərin qəbulu Konsulluq əlaqələri haqqında 1963-cü il Vyana Konvensiyasına əsasən konsulluq dairəsi üzrə müəyyən olunmuş ərazilər üzrə həyata keçirilir (Azərbaycan Respublikasının Sankt-Peterburq şəhərindəki Baş Konsulluğunun konsulluq dairəsinin siyahısı).

Doğum aktının qeydə alınması ilə bağlı müraciətlərin Baş Konsulluq tərəfindən qəbulu qeyri-iş günləri istisna olmaqla həftənin bütün iş günləri (Bazar ertəsi – Cümə, saat 09.00-dan 12.30-dək) aparılır.

Doğum aktının qeydə alınması ilə bağlı tələb olunan sənədlər:

1. valideynlərin şəxsiyyətini təsdiq edən sənədlər (şəxsiyyət vəsiqələrinin və pasportların əsli və surəti);
2. valideynlərin nikah haqqında şəhadətnaməsi (əsli və surəti);
3. valideynlərin doğum haqqında şəhadətnamələri (əsli və surəti);
4. valideynlərin konsul dairəsində yaşayış yeri üzrə qeydiyyatları barədə sənədlər (əsli və surəti);
5. uşağa şəhadətnamə verilməsinə dair valideynlərin birgə ərizəsi (uşağın adının və soyadının göstərildiyi şəkildə); 
6. doğum faktını, vaxtını və konsul dairəsindəki yerini təsdiq edən tibb müəssisəsindən arayış (tibb müəssisəsinin yerləşdiyi ünvanın bağlı olduğu səhiyyə idarəsi tərəfindən təsdiq edilmiş qaydada).

Qeyd: “Dövlət rüsumu” haqqında Azərbaycan Respublikası Qanununun 13-cü maddəsinə əsasən doğumun qeydə alınması və bu barədə ilkin şəhadətnamənin verilməsi üçün dövlət rüsumu ödənilmir.

Qeyd: Doğum haqqında məlumat Baş Konsulluğa uşağın doğulduğu gündən ən geci 3 ay ərzində verilməlidir.

Son yenilənmə tarixi: 22.01.2025