Vətəndaşların nəzərinə!
Konsulluq xidmətləri ilə bağlı Baş Konsulluq tərəfindən müraciətlərin qəbulu Konsulluq əlaqələri haqqında 1963-cü il Vyana Konvensiyasına əsasən konsul dairəsi üzrə müəyyən olunmuş ərazilər üzrə həyata keçirilir (Azərbaycan Respublikasının Sankt-Peterburq şəhərindəki Baş Konsulluğunun konsul dairəsinin siyahısı).
Nikahın qeydə alınması ilə bağlı müraciətlərin Baş Konsulluq tərəfindən qəbulu qeyri-iş günləri istisna olmaqla həftənin bütün iş günləri (Bazar ertəsi – Cümə, saat 09.00-dan 12.30-dək) aparılır.
Nikahın qeydə alınması ilə bağlı tələb olunan sənədlər:
- nikaha daxil olan şəxslərin razılıq ərizəsi;
- nikaha daxil olan şəxslərin şəxsiyyətini təsdiq edən sənədlərin (ümumvətəndaş pasportları və şəxsiyyət vəsiqələri) əsli və surəti;
- xarici ölkədə daimi və ya müvəqqəti yaşamasını təsdiq edən sənədlər (əsli və surəti);
- subaylıq haqqında arayışlar;
- nikaha daxil olmaq istəyən şəxslərin Baş konsulluğun konsulluq dairəsində fəaliyyət göstərən Rusiya Federasiyasının tibb müəssisəsində tibbi müayinədən keçdiklərini təsdiq edən arayış (kağız formasında);
- dövlət rüsumunun Baş Konsulluğun bank hesabına ödənilməsini təsdiq edən qəbz;
- əvvəllər nikahda olmuş şəxslər - nikahın pozulması haqqında şəhadətnamə (surətini) və ya ərinin (arvadının) ölümü şəhadətnamə (surətini), yaxud əvvəlki nikahın etibarsız sayılması barədə məhkəmənin qanuni qüvvəyə minmiş qətnaməsi və ya ondan çıxarış (yalnız əvvəllər nikahda olmuş şəxslər).
Bank rekvizitləri: Ф.ОПЕРУ Банка ВТБ (ПАО) г. Санкт-Петербург, ИНН: 9909058879, Расчетный счет: 40807810739800000004, Корреспондентский счет: 30101810200000000704, БИК: 044030704, КПП: 784061001
Qeyd: “Dövlət rüsumu” haqqında Azərbaycan Respublikası Qanununun 16.3.1-ci maddəsinə əsasən nikahın qeydə alınmasına görə 10 ABŞ dolları məbləğində dövlət rüsumu ödənilir. Baş Konsulluqda nağd ödəniş qəbul edilmir.
Müraciət edilməsi qaydası.
Nikaha daxil olmağı arzu edən Azərbaycan Respublikası vətəndaşları Baş Konsulluğa şəxsən ərizə ilə müraciət etməlidir.
Müraciətə baxılma müddəti.
Nikah konsulluq tərəfindən nikaha daxil olmaq istəyən şəxslərin iştirakı ilə bu barədə ərizə verildiyi gündən 1 aydan tez olmayaraq bağlanır.
İştirak etməli olan şəxslərin siyahısı:
- Nikaha daxil olmağı arzu edən şəxslər;
- Nikaha daxil olmağı arzu edən şəxslərin şahidləri.
Qeyd: Nikaha daxil olan tərəflərin Azərbaycan Respublikası vətəndaşı olması tələb olunur.
Son yenilənmə tarixi: 22.01.2025