2017-11-28
Qafqaz Müsəlmanları İdarəsinin sədri Sankt-Peterburqda bir sıra görüşlər keçirib

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Rusiya Federasiyasının Sankt-Peterburq şəhərinin vitse-qubernatoru Aleksandr Qovorunov ilə görüşüb.

Azərbaycan-Rusiya münasibətlərindən danışan QMİ sədri xalqlarımız arasındakı əlaqələrin qədim tarixə malik olduğunu vurğulayıb. O, Azərbaycan və rus xalqlarının sıx humanitar əlaqələr qurduqlarını söyləyib.

Aleksandr Qovorunov qeyd edib ki, hazırda Sankt -Peterburqda 400 minə yaxın azərbaycanlı yaşayır və bu şəhərlə Azərbaycan arasında əlaqələr uğurla inkişaf edir. Təkcə bu ilin birinci yarısında ticarət dövriyyəsi 4,5 dəfə artıb.

Allahşükür Paşazadə, həmçinin Sankt-Peterburq Qanunvericilik Məclisinin sədri Vyaçeslav Makarov ilə görüşüb.

Görüşdə bildirilib ki, Azərbaycan ilə Rusiya arasında hazırda müxtəlif sahələrdə 200-dən çox dövlətlərarası və hökumətlərarası sənəd imzalanıb. Ticari-iqtisadi əlaqələrin daha da genişləndirilməsi üçün böyük imkanlar mövcuddur. Söhbət zamanı sosial, mədəni, humanitar sahələrdə də qarşılıqlı münasibətlərin dinamik inkişaf etdiyi vurğulanıb.

əvvəlki xəbər

bakushop

Xarici İşlər Nazirliyi